Si pjesë e projektit të “memorabilia”-s, që nisi vitin e kaluar, Barça ka njoftuar një ankand unik për artikuj të lidhur me “Spotify Camp Nou”.
Ndër objektet kryesore përfshihen komodinat e përdorura nga lojtarët ndër vite, si ajo e Leo Messit, pikat e penalltive të stadiumit, flamurët e këndit dhe stemat e vendosura përpara stolave të ekipeve.
Këto artikuj do të jenë pjesë e një ankandi publik, duke iu dhënë mundësinë tifozëve të marrin në shtëpi një fragment të historisë blaugrana dhe ta ndajnë atë me brezat e ardhshëm.
Gjithashtu, në dispozicion do të jenë fotografitë ikonike të ekipeve kampione të Champions League (1991-1992, 2005-2006, 2008-2009, 2010-2011 dhe 2014-2015), të cilat zbukuronin tunelin e dhomave të zhveshjes së stadiumit.
Për të realizuar këtë nismë, Barça do të bashkëpunojë me “Goldin”, një kompani lider në sektorin e ankandeve, me të cilën klubi ka punuar edhe më parë.
“Goldin” ka një histori mbresëlënëse shitjesh të lidhura me Barcelonën dhe botën e futbollit. Ndër “operacionet” më të spikatura përfshihen: Bluza e Leo Messit nga “El Clásico” e prillit 2017, kur shënoi golin e fitores.
Një kartolinë e firmosur nga Lamine Yamal në sezonin e tij të parë.
Një kartolinë nga debutimi i Messit me Barçën, ndër të tjera kujtime të vlefshme.
Ankandi do të nisë më 23 janar, në orën 10:00 të mëngjesit (me orën e Barcelonës), dhe do të qëndrojë aktiv deri më 13 shkurt, në orën 04:00 të mëngjesit.
Artikujt do të kenë një çmim fillestar dhe ofertat do të përcaktojnë vlerën përfundimtare.
Ky format iu jep mundësi të interesuarve të garojnë për këto objekte historike ekskluzive.
Klubi e nisi projektin “Memorabilia” në fillim të sezonit të kaluar me qëllim ofrimin e artikujve që reflektojnë ndjenjën dhe historinë e Barçës.
Ndër produktet e disponueshme u veçuan: Karriget e “Spotify Camp Nou”, të dizajnuara në tri stile të ndryshme dhe me çmime të arritshme për një publik të gjerë.
Bari origjinal i stadiumit në formate të ndryshme.
Rrjetat e portave, të prezantuara në edicione ekskluzive dhe të kornizuara me dru.
Si risi u prezantua një koleksion diamantesh etikë dhe të qëndrueshëm, të krijuar nga karboni i barit të përdorur në ndeshjen e fundit të zhvilluar në “Spotify Camp Nou”, kundër RCD Mallorca më 28 maj 2023.
