Trajneri i Barcelonës, Hansi Flick foli në një konferencë për shtyp në prag të ndeshjes kundër Monakos: “Mendoj se ideja jonë kur filluam ishte të luanim mirë. Mendoj se bëmë mirë dhe do të shohim se cili do të jetë intensiteti. Kur mbërrita, kuptova se kishte lojtarë me shumë cilësi”.
“Barça duhet të fitojë edhe një herë respekt në Evropë? Nuk më intereson e kaluara, duhet të fokusohemi tek e tashmja. Duhet të jemi agresivë dhe të koncentruar, kjo është ajo që duhet në një kompeticion si Champions League”.
“Objektivi për të fituar Champions League? Po, mendoj se po. Një klub si Barça, klubet e mëdha duan të fitojnë tituj dhe, siç thashë, Champions është kompeticioni më i mirë në botë. Duhet të jemi gati për të luajtur kundër skuadrave më të mira, por nëse nuk jeni 100% i fokusuar, nuk keni vend në këtë kompeticion”.
“Monako? Nuk mendoj se mund të krahasojmë ndeshjet e Gamper dhe ato të së nesërmes. Tani jemi më të përfshirë në garë dhe mendoj se lojtarët e dinë se çfarë duhet të bëjnë. Sot u përgatitëm mirë dhe nesër do të kemi kohë para ndeshjes. Ne e kemi të qartë atë që duam të bëjmë dhe e njëjta gjë vlen edhe për lojtarët”.
