Interi është duke ëndërruar tripletën dhe ngjashmëritë me sezonin 2009-2010, kur e bëri diçka të tillë, janë të shumta. Gjithçka nis me faktin që ekipi aktual ka një mbrojtje të hekurt dhe ka pësuar vetëm 1 gol në fazën me eliminim direkt dhe 2 në total në këtë Champions.
Edhe në atë periudhë, mes fazës së 1/8-tave dhe çerekfinaleve, ekipi pësoi vetëm 1 gol. Ndërkohë që Lautaro Martinez dhe Diego Milito janë një tjetër rastësi. Kapiteni aktual i skuadrës ka shënuar 7 gola në Ligën e Kampioneve, ndërsa “El Principe” ka arritur të realizojë 6 gola në sezonin 2009-2010.
Një tjetër rastësi është rivali i mundshëm në gjysmëfinale, por zikaltrit fillimisht duhet që të kalojnë Bajernin. Aty do të gjenin Barcelonën, një rival që e sfiduan edhe në gjysmëfinalen e vitit 2010 dhe ishte i jashtëzakonshëm. Po ashtu, edhe kampionati në atë vit ishte i ngjeshur dhe me rivalitet me Romën. Interi ishte vetëm 1 pikë larg verdhekuqve, ndërsa këtë sezon janë +3 nga Napoli.
PANORAMASPORT.AL
