Humbja kundër Interit ka “plagosur” Barcelonën. Dhe për më shumë kjo ka ardhur vetëm pak ditë para një tjetër ndeshjeje shumë të rëndësishme që mund të vulosë titullin në La Liga. Të dielën Barcelona do të presë Realin dhe pas një humbje mizore si ajo e mesjavës në Champions, terapia më e mirë është bashkimi.
Trajneri Hansi Flik ka vendosur të mbledhë skuadrën të drekojë e bashkuar pikërisht tri ditë nga “El Clasico” kundër Realit. Skuadra e Barcelonës vendosi të kthejë faqen pas zhgënjimit të së martës me një vakt shoqëror për të forcuar grupin përpara katër ndeshjeve të mbetura të ligës. Vakti ishte planifikuar përpara se të dihej rezultati i ndeshjes me Interin, në mënyrë që ndeshja të ishte midis gjysmëfinales evropiane dhe ndeshjes vendimtare kundër Realit të Madridit.
Barcelona do të përballet me “Los Blancos” të dielën e ardhshme në orën 16:15 në “Montjuiç” në një ndeshje që mund të jetë vendimtare për të ardhmen e titullit në Spanjë. Barcelona do të presë Madridin me një epërsi prej katër pikësh ndaj ekipit të Ançelotit dhe një fitore do të vuloste në mënyrë efektive kampionatin. Në rast humbjeje, skuadra e Flik do të ruante vetëm një pikë avantazh ndaj rivalëve të tyre dhe do të përballej me një kalendar të vështirë me derbin kundër Espanjolit dhe përballjet me Bilbaon dhe Vijarealin. P
as humbjes në Milano, lojtarët u mblodhën rreth një plani për ta nisur sezonin me sukses me një fitore në garën e sezonit të rregullt, e cila do të mbështetej në suksesin e tyre në Superkupën e Spanjës në Xheda dhe në finalen e Kupës së Mbretit në Sevilje, të dyja kundër Realit. I njëjti kundërshtar na pret të dielën, por para kësaj, një vakt i mirë nuk dëmton kurrë për të rritur moralin. Skuadra është në formën e duhur dhe lojtarët janë shfaqur në humor pas seancës së djeshme stërvitore. Pedri dhe Ferran Torres janë argëtuar dhe me vaktin përpara duket sikur i kanë përçuar një mesazh të qartë Realit: Do t’iu “hamë” dhe juve.
LEDJO SEFERKOLLI-PANORAMASPORT.AL
