Vijarreali do të kërkojë një fitore prestigjioze kundër Barcelonës sot në orën 17:30 në “Estadio de La Cerámica”. 
Një rezultat që i ka rezistuar për shumë sezone, pasi shumë shpejt do të bëhen 16 vite nga fitorja e fundit e “nëndetëses së verdhë” në shtëpi ndaj katalanasve. Suksesi i fundit i Vijarrealit ka ndodhur kur stadiumi quhej ende me emrin e vjetër, “El Madridgal”. Dhe pikërisht për këtë duhet të kthehemi në vitin 2007 , kur me kilianin Manuel Pelegrini në stol, Vijarreali fitonte 3-1 përballë Barcelonës.
Ishte data 20 tetor i sezonit 2007-’08, teksa golat e fitores së Vijarrealit mbanin firmën e Santi Kacorlës dhe dy herë të tjera nga Markos Sena. Që atëherë, dhe pavarësisht se deri tetë trajnerë të ndryshëm kanë kaluar në stolin e “nëndetëses”, blutë nuk kanë mundur të mposhtin Barcelonën në stadiumin e tyre. Një seri katastrofike që Vijarreali e ka pësuar me virulencë të veçantë kohët e fundit.
Aq sa katër vizitat e fundit katalanase në Kastejon kanë përfunduar me suksesin e Barçës. Sezonin e kaluar, skuadra e Ksavit triumfonte me një gol të vetëm nga Pedri, i cili do të mungojë nesër pasdite si pasojë e një dëmtimi. Veç Pedrit, për takimin kundër Vijarrealit, trajneri i Barcelonës nuk do të ketë të gatshëm as mbrojtësin e qendrës Ronald Arauho gjithashtu i dëmtuar.
PANORAMASPORT.AL
