Për herë të parë në histori, një ndeshje e La Ligas mund të luhet jashtë Spanjës. Sipas Daily Mail, takimi mes Barcelonës dhe Atléticos së Madrid, e programuar për t’u luajtur gjatë fundjavës së 22 dhjetorit në stadiumin Olimpik, është sugjeruar (të gjitha palët po punojnë së bashku) për ta zhvilluar në stadiumin “Hard Rock”, në Miami.
Thënë kështu, Federata Spanjolle e Futbollit, si dhe UEFA dhe FIFA do të duhet të miratojnë vendimin. LaLiga është përballur me kundërshtime mbi idenë për t’i zhvendosur ndeshjet në SHBA në të kaluarën.
“Është një shenjë respekti për tifozët amerikanë të La Ligës”, u tha presidenti Javier Tebas gazetarëve verën e kaluar. “Ne po shohim ndeshje të NBA-së dhe NFL-së që luhen në Evropë ose në Meksikë. Kjo do të rezononte në tregun amerikan.”
Barça aktualisht po i luan ndeshjet e saj në “Montjuïc”, ndërsa rinovimi i “Camp Nou” po vazhdon, por vendi olimpik mban vetëm një maksimum prej 45,000 tifozësh.
