Barcelona fitoi për herë të 28-të në historinë e klubit titullin e La Liga-s. Pas një fitore 0-2 në derbin me Espanjolin, katalanasit siguruan matematikisht titullin 2 javë përpara fundit të kampionatit.
Ka pasur reagime të shumta nga legjenda të klubit, skuadra dhe personalitete për këtë triumf të Hansi Flik që në vitin e parë në stolin blaugrana.
Sigurisht nuk ka munguar as urimi i Lionel Mesit i cili ka shpërndarë postimin e Barcëlonës duke shkruar në rrjetet sociale: Urime!!!
Rikujtojmë që ky ishte një sezon fantastik për Barcelonën, e cila fitoi Superkupën e Spanjës, Kupën e Mbretit, La Liga dhe shkoi në gjysmëfinalen e Ligës së Kampioneve.
PANORAMASPORT.AL
