🔥 Barcelona në mëdyshje për Rashford, gati të rikthejë sulmuesin që po shkëlqen këtë sezon

Barcelona ka filluar të mendojë që tani për sezonin e ri, por nuk mungojnë dilemat. Njëra prej tyre ka të bëjë me blerjen përfundimtare të Marcus Rashford ose jo. Klubi katalanas ka të drejtë të blejë kartonin e anglezit në fund të këtij sezoni për 30 milionë euro.

“Sport” zbulon se Barcelona është në mëdyshje për blerjen e Rashford apo të ushtrojë të drejtën e rikthimit të Jan Virgili, sulmuesit 19-vjeçar i transferuar te Mallorca në verë.

Ndryshe nga Pablo Torre, Jan Virgili po shkëlqen në La Liga me Mallorca dhe duket se është tipi i sulmuesit që i përshtatet shumë Barcelonës. Klubi katalanas ka të drejtën e riblerjes i pari si dhe 40% të kartonit nga shitja e ardhshme.

Nga njëra anë është Marcus Rashford, i cili po ashtu ka treguar formë të mirë te Barcelona, por kushton 30 milionë euro dhe ka një rrogë të majme. Në anën tjetër, është një djalosh i ri si Jan Virgili, i cili ka një kosto më të vogël, por i mungon ende përvoja që ka Rashford.