Barcelona dhe Pau Cubarsi kanë firmosur një kontratë që i lidh bashkë deri në vitin 2027.
Mbrojtësi 17-vjeçar debutoi në futbollin profesionist në mes të sezonit, ndërsa kishte fituar besimin e trajnerit Xavi Hernandez, i cili e ka treguar qartë se kur vjen puna te promovimi i talenteve të akademisë nuk kursehet aspak.
Sa i përket rinovimit të kontratës mes Barçës dhe Cubarsi-t detaji më i “çmendur” mund të konsiderohet klauzola e lirimit të lojtarit, të cilën katalanasit e kanë caktuar të jetë plot 500 milionë euro.
Në një njoftim për mediet, Barcelona bën me dije: “FC Barcelona dhe lojtari Pau Cubarsi kanë arritur një marrëveshje për rinovimin e kontratës së tij, e cila do ta lidhë atë me klubin deri më 30 qershor 2027. Klauzola e largimit do të jetë 500 milionë euro. Mbrojtësi i Barcelona-s nënshkroi kontratën e tij të re me presidentin e Barcelona, Joan Laporta, drejtorin sportiv të klubit, Anderson Luis de Souza “Deco” të enjten në mëngjes.”
