Me marrëveshjen e bujshme që firmosi me kompaninë Nike, Barcelona po rikthehet si dikur. Klubi katalanas ka kapital të mjaftueshëm për të bërë një blerje të madhe. Ndoshta edhe dy.
Gazeta “Sport” raporton se Barcelona po monitoron disa sulmues anësorë kryesorë në top 5 ligat kryesore të futbollit europian. I pari në listë është Mohamed Salah.
Egjiptiani është në fund të karrierës, por cilësohet si një lojtar që thith sponsorë dhe krijon përshtypjen e një klubi që po kthehet në lavdi.
Barcelona gjithashtu nuk ka hequr dorë nga Nico Williams. Sulmuesi spanjoll i Athletic Bilbao është një nga të preferuarit e talentit Lamine Yamal.
Emra të tjerë në listë janë Rafa Leao i Milanit, Kvaratskhelia i Napolit dhe Leroy Sane i Bayern..
