Trajneri i Llapit, Tahir Batatina është takuar sot me sulmuesin Mirlind Daku para se ky i fundit të transferohet në skuadrën e re.
Sulmuesi i Osijekut, Daku pritet të transferohet te klubi rus, Rubin Kazan, shkruan lajmi.net.
Batatina me anë të një postimi në llogarinë e tij në Facebook ka ndarë disa fotografi nga takimi me Dakun duke thënë se e përcolli mes emocionesh për në skuadrën e re.
“Sot së bashku me yllin e futbollit kosovar dhe ish yllin e skuadrës sime, Llapit, Mirlind Dakun, ishim në mengjes bashkarisht dhe isha për ta përcjellur drejt skuadrës së re ku u emocionova kur u përshendeta me të sepse kujtova ditët e para kur Lindin e transferova tek Llapi, si i besova dhe se sa shumë e mbështeta”.
“Lindi na bëri krenar së pari mua, pastaj klubin, familjen dhe gjithë Kosovën sepse kur të tjerët nuk i besuan unë ja dhash besimin që sot është një yll i futbollit dhe nga sot fillon misioni i ri për Mirlind Dakun ku do na bëj krenar edhe në skuadrën e re dhe pres që shpejt prap të bëj hapin tjetër tek një skuadër edhe më e madhe evropiane” – shkruajti ndër tjera Batatina në Facebook.
Nga transferimi i Dakut nga Osijeku te Rubin Kazan përfiton një pjesë të shumës edhe Llapi./Lajmi.net/
