Bayern Munchen vazhdon përgatitjet në Azi për sezonin e ri, teksa po udhëton në vende të ndryshme gjatë këtyre ditëve. Ndalesa e radhës për ekipin bavarez ishte sot në Seul të Koresë së Jugut, ku ka zhvilluar një miqësore përgatitore prestigji me anglezët e Tottenham.
Bavarezët e nisën ndeshjen me 20-vjeçarin Vidoviç si titullar dhe ky i fundit nuk gaboi duke i dhënë avantazhin ekipit të tij që në minutën e 4-t të duelit.
Më pas ekipi i Kompani krijoi më shumë lojë e raste, teksa gjeti edhe golin e dytë në minutën e 56 me Gorezkën, i cili mendohet se së shpejti do u japë lamtumirën bavarezëve.
Goli i Pedro Porro në minutën e 66 ishte vetëm një ngushëllim i vogël për Tottenhamin, i cili nuk ia doli që të barazonte shifrat dhe regjistroi një humbje në këtë përballje luksi.
