Presioni i madh i tifozëve, Bayern Munich nuk nënshkruan me Jerome Boateng.
Jerome Boateng do të mbetet pa skuadër, pasi gjiganti gjerman Bayern Munich ka vendosur të mos nënshkruajë me të shkaku i reagimit të tifozëve.
35-vjeçari gjerman prej ditësh po stërvitet me Bayern Munchen dhe do të vazhdojë ta bëjë këtë gjë.
Boateng kaloi 10 sezone si futbollist i Bayern Munich përpara se të transferohej në Ligue 1 në shtatorin e vitit 2021.
Qendërmbrojtësi regjistroi 363 ndeshje me bavarezët, shënoi 10 gola, dhuroi 25 asistime, ku fitoi 22 trofe.
Duke parë edhe problemet në prapavijë, Thomas Tuchel dhe drejtuesit menduan t’i ofronin një kontratë, por u tërhoqën pas presionit të tifozëve.
Tifozët nuk e duan sërish pjesë të skuadrës së tyre të zemrës, pasi ky i fundit vijon të ketë probleme ligjore për shkak të dhunës ndaj nënës së fëmijëve të tij.
Ngjarje që pretendohet se ka ndodhur gjatë verës së vitit 2018.
