Fitorja e katërt radhazi për Bayern, i cili rrezikon por mposht Wolfsburgun 3-2 dhe vazhdon marshimin si kryesues. Suksesi në Allianz Arena mban firmat e Goretzka-s dhe Olise.
Sfida është zhbllokuar në minutën e 20-të, Goretzka arriti të finalizojë saktë me një asist të dhënë nga Kimmich. Megjithatë, avantazhi i bavarezëve ka zgjatur vetëm 4 minuta pasi Amoura ka vendosur barazpeshën. Por në minutën e 39-të është Olise që rikthen edhe njëherë Bayern në avantazh. Para pushimit Kimmich arriti të gjejë golin, por që u anulua për shkak të një prekje me dorë të topit gjatë aksionit.
Në pjesën e dytë Goretzka dhe Olise drejtojnë sërish skuadrën e Kompany: një asistim i francezit dhe një tjetër gol nga ish-lojtari i Schalke, i cili firmos për 3-1. Amoura rihap edhe njëherë sfidën me golin e shënuar në minutën e 88-të, por nuk ka më kohë, gjithçka mbyllet me fitoren 3-2 të skuadrës bavareze.
Me këtë fitore, Bayern ngjitet në kuotën e 45 pikëve, +7 nga ndjekësi më i afërt që është Leverkusen. Wolfsburgut, në vendin e 7-të me 27 pikë.
