Sport Italia raporton se Bayern Munich po mendon të bëjë një ofertë për mbrojtësin e Milanit, Pierre Kalulu, për të zëvendësuar Benjamin Pavard, i cili po kërkon t’i bashkohet Interit .
“Nerazzurrët” kanë një marrëveshje me lojtarin dhe bavarezët, por Thomas Tuchel nuk është i gatshëm të lërë Pavard të largohet nëse klubi nuk nënshkruan me një zëvendësues. Trajneri gjerman konfirmoi qëndrimin e tij gjatë një interviste para ndeshjes të dielën .
Sipas “Sky Sport Italia”, Bayerni tani po synon mbrojtësin e Milanit, Kalulu, i cili, duke pasur parasysh shkathtësinë e tij, mund të jetë një zëvendësues i vlefshëm për Pavard.
“La Gazzetta dello Sport”, raporton në vend të kësaj se Bayerni është në bisedime me mbrojtësin e Chelseat, Trevoh Chalobah, të cilin Tuchel e drejtoi gjatë periudhës së tij në Stamford Bridge.
Gazeta pretendon se drejtorët e Bayernit do të takohen sot me Tuchelin për ta bindur atë që të lërë Pavard të largohet pasi kontrata e mbrojtësit skadon në qershor, kështu që ai do të shkojë si lojtar i lirë në fund të sezonit nëse Bayerni nuk e shet atë tani.
