Florian Wirtz dhe Bayern Muncheni duket se janë destinuar t’i bashkojnë rrugët.
Mesfushori i talentuar i Bayer Leverkusenit ka qenë një nga lojtarët me performancat më të mira këtë sezon, dhe është duke tërhequr interesim nga gjigantët europianë.
Megjithatë, opsioni për të vazhduar karrierën e tij në Gjermani, në një mjedis ku ai tashmë e ka treguar vlerën e tij, është duke u bërë çdo ditë e më i pranueshëm dhe më i fortë ndaj propozimeve nga Anglia, Spanja ose edhe Franca.
20-vjeçari është lojtar kyç në ekipin e Xabi Alonson dhe perfomancat e tij e kanë bërë atë një nga lojtarët e rinj më të mirë në planet.
Aftësia e tij për të krijuar një aksion, vizioni i tij dhe aftësia për të thyer linjat e kanë bërë një lojtar esencial për sistemin e Leverkusenit.
Klubi i Bayernit është duke e monitoruar situatën etij nga agër dhe tashmë ka nisur bisedimet për të vendosur klubin si opsioni më i mirë për të ardhmen e tij.
Brenda klubit bavarez, besohet se Wirtz mund të përshtaet shumë lehtë në filozofinë e ekipit, duke sjellur një versatilitet në skuadër dhe një aftësi për të ndryshuar sistemet brenda ndeshjes pa e humbur kualitetin.
Derisa klube si Manchester City, Real Madrid ose PSG kanë shfaqur interesim për të siguruar shërbimet e tij, vetë lojtari e sheh si në favor të tij vazhdimin e karrierës në Gjermani, aty ku ai ndihet i rehatshëm dhe i vlerësuar.
Në Mynih, janë të gatshëm të bëjnë sakrifica financiare, për ta bindur Florian Wirtzin që ta veshë fanllën e kuqe të Bayernit.
