Victor Gyokeres po kalon një sezon fantastik me 30 gola në 28 ndeshje.
Gyokeres realizoi në edicionin e kaluar 60 gola, teksa vetëm tre lojtarë në botë e kanë arritur këtë, Robert Lewandowski, Lionel Messi dhe Cristiano Ronaldo.
Që kur Ruben Amorim u transferua te Manchester United është përfolur se suedezi do ta ndiqte në Premier League, por për të prishur planet e “djajve të kuq” ka menduar Bayern Munich.
Sipas mediave angleze, Bayerni ka paraqitur ofertën e parë zyrtare në drejtimin të klubit portugez.
Bëhet fjalë për një shifër shumë të lartë, 80 milionë paundë: “Bayern ka bërë një ofertë për Gyokeres”, shkruan “Strar Sport”.
“Oferta është 80 milionë paundë”, shkruan “Daily Express”. Pavarësisht interesimit të lartë këtë periudhë, në Portugali kanë një tjetër version, me mediat që shkruajnë se “bomberi” suedez nuk do të largohet gjatë merkatos së janarit, por në fund të këtij sezoni.
