Bayerni i Mynihut nuk dëshiron të heqë dorë nga shërbimet e Ryan Gravenberch.
Klubi kampion gjerman, që e bleu lojtarin e lindur në vitin 2002 nga Ajaxi një vit më parë për 18.5 milionë euro plus bonuse, ka refuzuar një ofertë shumë të rëndësishme nga Liverpooli, pavarësisht se ish-i i Ajaxit gjeti pak hapësirë sezonin e kaluar dhe qëndroi në stol edhe në dy ndeshjet e para të sezonit që sapo ka filluar.
“Të kuqtë” kanë vënë në pjatë 48 milionë euro për të blerë mesfushorin, propozim i refuzuar nga Bayerni, i cili dëshiron ta mbajë futbollistin me çdo kusht.
Edhe pse Gravenberch, me pak hapësirë në dispozicion, e ka bërë tashmë të qartë se dëshiron të largohet, klubi bavarez nuk ndryshon qëndrim.
