Pak ditë pasi shkëputi kontratën me ekipin Los Angeles Galaxy, Douglas Costa pritet të rikthehet në futbollin italian.
Sulmuesi i krahut, pritet t’i bashkohet skuadrës së Juventusit, ka njoftuar të enjten e përditshmja “Tuttosport”.
Në fakt, Costa ka pranuar se ëndërron të rikthehet te Juventusi, ekip prej të cilit u largua vitin e shkuar kur edhe i skadoi kontrata.
33-vjeçarit i është ofruar kontratë deri në fund të këtij edicioni dhe prezantimi te Juventusi pritet të bëhet muajin e ardhshëm.
Costa për herë të parë iu bashkua Juventusit në vitin 2017 nga Bayerni dhe me ekipin italian shënoi 10 gola në 103 paraqitje, ndërsa fitoi edhe tre tituj kampioni në Serie A.
