“Bellingham do të shënojë një epokë”. Kështu iu referua Vinicius Zhunior yllit anglez në tetorin e vitit të kaluar pas shfaqjes së mrekullueshme të Bellingamin në “Montjuiç kundër Barcelonës.
Pikërisht në këtë pikë të sezonit ai numëronte 13 gola në të gjitha garat. Ky sezon duket se ka nisur keq për anglezin, ku në 15 ndeshje zyrtare me Realin, shifra në kolonën e golave mbetet ende zero! Bellingami nuk është ai që ishte.
Mungesa e tij është e dukshme në nivele të ndryshme dhe krahasimi më i keq vjen me imazhin e tij, atë të shfaqur në debutimin e tij. Ndryshe nga sa mund të duket, nëse studiohet harta e lëvizjeve të Bellingam në fushë, ai zinte afërsisht të njëjtat hapësira si tani.
Megjithatë, prania e tij është shumë më e përhapur për shkak të rolit të tij më të vogël në sulmin e Realit të Madridit të krijuar nga problemi i tij kryesor: bllokimi i bërë nga Mbape. Faktori surprizë i mbërritjes së Bellingamit në zonën kundërshtarit si një “9” i rremë është zhdukur. Ai nuk e gjen hapësirën me francezin përpara.
Ai gjuan në portë shumë më pak sesa vitin e kaluar. Është e vërtetë që kontributi mbrojtës i Bellingam është rritur më shumë se në vitin e kaluar, por asgjë nuk kompenson “anulimin” e tij ofensiv. Aq sa tregon Ançeloti, projeksioni i lojës së Xhud ishte më shumë sulmues sesa mbrojtës, pavarësisht se konsiderohej një lojtar i gjithanshëm ose total, siç duan të thonë njerëzit në ditët e sotme.
