Xhud Bellingam ka insistuar se nuk ka bërë asgjë që të meritonte një karton të kuq në ndeshjen ndaj Osasunës. Por duke parë se debati rreth të sharës së tij para gjyqtarit ka kaluar çdo limit, vetë anglezi ka preferuar që me një mesazh në rrjetet sociale të tentojë të mbyllë gjithçka, por edhe të kërkojë falje.
“Është folur mjaftueshëm për keqkuptimin, dua vetëm të kërkoj edhe një herë falje që lashë shokët e mi të skuadrës në një pozitë kaq të vështirë dhe të falënderoj tifozët për mbështetjen e tyre dhe mirëkuptimin. Shihemi të mërkurën në shtëpinë tonë”, shkruante anglezi në rrjetet sociale, duke iu referuar ngjarjes së të shtunës në darke.
Tani në Spanjë vetëm presin të mësojnë si do të interpretohet kartoni i kuq i Bellingam dhe sa javë do të jetë i pezulluar mesfushori anglez i madrilenëve, në një moment kur është ndezur më shumë se kurrë rivaliteti dhe lufta për titullin kampion.
PANORAMASPORT.AL
