Ish-sulmuesi francez i Real Madrid, Karim Benzema, po ndjen gjithnjë e më shumë presionin tek ekipi Al-Itihad. Sulmet e tifozëve ndaj tij pas formës së dobët që ka treguar, e kanë shtyrë që të kërkojë huazimin tek një skuadër tjetër deri në përfundimit të sezonit, siç bëhet e ditur nga AFP nga një burim i klubit saudit.
Një opsion për t’u transferuar tek një klub tjetër në ligën saudite është refuzuar menjëherë nga sulmuesi 39-vjeçar, i cili nuk ka qenë në gjendje të shprehte potencialin e tij në këtë skuadër, edhe pse u transferua atje si fituesi i “Topit të Artë.
Të njëjtat burime theksojnë se Benzema është gati të kthehet përsëri në Europë, pasi dëshiron të luajë përsëri në një kampionat elitar në këto muaj të mbetur të sezonit, për të vërtetuar se ka ende për të dhënë në nivelet më të larta.
Benzema këtë sezon ka arritur të realizojë 9 gola dhe 5 asiste, shumë larg shifrave të portugezit Kristiano Ronaldo i cili ka 20 gola dhe 9 asiste me Al-Nasr.
PANORAMASPORT.AL
