Karim Benzema ka ide të qarta për të ardhmen e tij dhe e ka theksuar se nuk ka ndërmend të varë këpucët në gozhdë për të paktën dy vitet e ardhshme. Në një intervistë me AS, ai deklaroi: “Kontrata ime këtu është gati të skadojë, është e vërtetë. Nuk mund të them ende nëse do të qëndroj apo do të largohem, varet nga shumë gjëra. Do të mbush 38 vjeç në dhjetor. E shoh veten duke luajtur futboll dhe për dy vite të tjera”.
“Jam në formë fizikisht, punoj shumë dhe luaj futboll. E dua futbollin, e shijoj. Do të shohim çfarë ndodh, çfarë mendon klubi. Më pëlqen të flas ballë për ballë dhe të dëgjoj çfarë mendojnë ata. Gjëja më e mirë për mua është të vazhdoj këtu, por jo vetëm për një vit ose dy. Nuk mund ta bëj këtë. Mendoj se niveli i futbollit në ligë po bëhet gjithnjë e më i mirë. Kam qenë këtu për tre vjet dhe po bëhet gjithnjë e më mirë”.
“Është e vërtetë që kam oferta në Evropë. Duhet të vlerësoj gjithçka, të zgjedh me kujdes dhe të shoh se ku ndihem rehat, pa harruar se jam i lumtur këtu dhe se marr dashuri nga të gjithë. Do të shohim”.
