Kur po spekulohet vazhdimisht për largimin e tij nga Real Madridi, Karim Benzema si duket i ka dhënë një kthesë befasuese këtyre zërave.
I pyetur në ceremoninë e ndarjes së çmimit “Marca Leyenda” për të ardhmen e tij, Benzema tha se jo gjithçka është e vërtetë nga ajo që po qarkullon nëpër media.
“Pse duhet të flas unë për të ardhmen? Jam te Real Madridi. Realiteti është ndryshe, jo ashtu se siç thuhet në internet”, tha Benzema.
Benzema po lidhet seriozisht me një kalim në Arabinë Saudite, pasi që besohet se i ka kumtuar vendimin e tij Florentino Perezit për tu larguar nga Reali në fund të këtij sezoni.
