Giuseppe Bergomi komentoi mbi garën për titull në Serinë A. “Unë i shoh Juventusin dhe Napolin si më të gatshëm për të konkurruar menjëherë dhe, për këtë arsye, si kandidatë kryesorë për fitore. Interi, Milani dhe Roma fillojnë prapa, por mund të jenë shumë problematike. Këto parashikime mund të dalin të gabuara, por unë kështu e shoh në këto momente”.
Mbi ecurinë evropiane të ekipeve italiane: “Nuk e di nëse Interi do të jetë në gjendje të ndjekë të njëjtën rrugë që ka ndjekur vitet e fundit. Në përgjithësi, mendoj se ekipet tona mund të na surprizojnë, por duhet thënë se niveli i konkurrencës në Evropë është më i lartë”.
