Mesfushori Valon Berisha dhe mbrojtësi Fidan Aliti, më nuk do të jenë pjesë e Kombëtares së Kosovës.
Të dy futbollistët, kanë vendosur ti japin fund karrierës me Kosovën apo më saktësisht të pensionohen nga “Dardanët”.
Federata e Futbollit të Kosovës, të premten ka falënderuar dy futbollistët për kontributin, duke ua publikuar letrat e shkruara.
Si Berisha ashtiu edhe Aliti, janë shprehur tejet të emocionuar me tërheqjen nga Kosova por kanë thënë se ndihen krenar për kontributin e dhënë.
Berisha ishte prej futbollistëve të parë që u bashkua me Kosovën, ku debutoi në vitin 2016 dhe regjistroi 52 ndeshje dhe realizoi 4 gola.
Aliti ka debutuar me “Dardanët” në vitin 2017 dhe ka shënuar 1 gol në 64 ndeshje të luajtura me fanellën e Kosovës.
Teilen:
