KF Llapi ka njoftuar se mesfushori Besar Musolli do të vazhdojë të jetë pjesë e ekipit edhe për sezonin 2025/26.
Musolli, i cili ka qenë një nga shtyllat kryesore të mesfushës te Llapi gjatë dy sezoneve të fundit, ku ka bërë gjithsej 68 paraqitje dhe ka dhënë një kontribut të jashtëzakonshëm, sidomos në fazën defanzive, shkruan faqja zyrtare e klubit.
Rinovimi i tij është një tregues i përkushtimit të dyanshëm mes lojtarit dhe klubit për të ndërtuar së bashku suksese të reja dhe për të çuar përpara projektin sportiv të Llapit.
Me përvojën dhe profesionalizmin e tij, Musolli mbetet një shembull për futbollistët e rinj se si ndërtohet një karrierë me punë të palodhur dhe përkushtim maksimal.
Musolli ka bërë karrierë te Hysi, Kukësi, Gjilani dhe tani te Llapi.
