Trajneri Sylvinjo ka folur përpara ndeshjes që do të zhvillohet ndaj Ukrainës, mbrëmjen e së martës në “Air Albania”.
Gjatë konferencës për shtyp, ai ka thënë se janë të përgatitur për të fituar me Ukrainën. Sipas Sylvinjos, avantazh është që luajnë në shtëpinë e tyre.
“Përshëndetje! I bashkohem përgjigjes që dha kapiteni, kur mbrohesh mirë është avantazh. Ismajli ka shënuar një rol shumë të rëndësishëm ndeshjen e kaluar. Por çdo ndeshje ka veçantinë e saj.
Mendoj që ky është grupi i vetëm kur çdo gjë mund të ndodhi. Katër ekipet e fundit kanë bërë Europianin 2024 dhe kanë lojtarë të fortë. Me gjithë respektin për ekipin e Ukrainës, por ne e kemi përgatitur ndeshjen për ta fituar. Mund të kemi avantazhin që luajmë në shtëpi, por futbolli është i tillë, siç e tha Ismajli jemi të përgatitur për të fituar dhe kemi ekipin tonë që na mbështet”./abcnews.al
