Me rikuperimin e ndeshjes së javës së 29-të bie perdja e Serisë A 2023-2024. Në Gewiss Stadium, Fiorentina mposhti Atalantën 3-2, duke i bërë një nder Juventusit pasi e përfundoi kampionatin në vendin e tretë përpara skuadrës së Bergamos. Golat erdhën të gjithë në pjesën e parë: Belotti hapi rezultatin në minutën e 6-të (me kokë), më pas Lookman barazoi me një goditje precize (12′).
Skuadra violë rifitoi epërsinë me një goditje të bukur me të majtën nga Nico Gonzalez (19′), por u arrit sërish në minutën e 32-të nga goditja e Scalvinit. Goli i parë i sezonit në Serinë A për mbrojtësin që dëmtoi gjurin në finale dhe tani rrezikon seriozisht të humbasë Euro 2024.
Në kohën shtesë të pjesës së parë, Belotti kompletoi dopietën personale duke mposhtur Carnesecchi nga disa hapa larg (47′). Në pjesën e dytë traversë nga Pasalic dhe mundësi për Miranchuk dhe Scamacca. Fiorentina ishte tashmë e sigurt për të marrë pjesë sërish në Ligën e Konferencës. Ndeshja e fundit e karrierës për gjyqtarin Daniele Orsato.
