E ardhmja e Kajli Uokerit ka marrë kthesë në mënyre rrënjësore, në krahasim me pretendimet e mediave angleze nga java e shkuar, me arsyetimin se Mançester Siti i kishte plotësuar të gjitha “kartat” që 32- vjeçari të firmoste kontratën e re me “qytetarët”.
“Sky Sport.de” ka aprovuar së fundmi se pas ballafaqimit mes lojtarit dhe përfaqësueses bavareze në Angli, bisedimet tashmë kanë hyrë në një fazë akoma më “të nxehtë’, diskutimi i detajeve finale.
Thuhet nga mediumi i mësipërm se kampionët gjermanë kanë arritur të joshin anësorin me periudhën 2-vjeçare ne kontratë dhe rrogën. Aktualisht Uoker përfiton 10 milionë euro në vit dhe me shumë gjasa nëse Siti i zgjat bashkëpunimin, ajo do të pësonte ulje, marrë në konsideratë moshën e tij. Operacioni do të rezultonte efikas për të dyja palët.
Bajerni do t’i mbyllte problemet me krahët e mbrojtjes, pas sigurimit të Guerreiros, ndërsa Siti do t’u shtonte financave mes 25- 30 milionë eurove, në bazë të pretendimeve fillestare.
PANORAMASPORT.AL
