Janë njëmbëdhjetë lojtarë që presin të kuptojnë nëse mund të jenë ende një grup apo nëse, pak a shumë, do të duhet të rishikojnë planet. Për të zgjedhur formacionin e së ardhmes duhet një trajner që Milani sot nuk e ka dhe për këtë arsye është një organikë e tërë që do të përfundojë sezonin pa ditur datën, vendin dhe shokët e grumbullimit të radhës.
Nga njëra zonë në tjetrën, po bëhemi të parët që kalojmë fushën, duke nxjerrë në pah siguritë: Loftus-Çik në mes, Pulisiç dhe Leao në krahët sulmues. Pas ndikimit pozitiv të sezonit, dy ish-lojtarët e Çelsit merituan të konfirmohen për sezonin e ardhshëm. Rafa dëshiron të qëndrojë te kuqezinjtë dhe sot vlera e klauzolës dekurajon blerësit e mundshëm. Të tjerët, nga portieri te qendërmbrojtësit, nga mesfushorët te sulmuesit, janë çështje për t’u zgjidhur dhe trajneri i ri do të ndihmojë në gjetjen e përgjigjeve.
TONALI I RADHËS- Kur u pyet çdo drejtues kuqezi nëse do të dëshironte të kishte sërish Menjanë në portë, përgjigja do të ishte pozitive. Por nuk është e sigurt që Majk është i të njëjtit mendim. Sidoqoftë, më shumë se fizike, distanca është ideologjike: sezoni i Menjasë ishte më pak befasues se të tjerët, por ai do të donte një Milan që mund t’i garantonte të paktën iluzionin e fitores. Një ekip konkurrues për një lojtar konkurrues si gardiani që ka një kontratë që skadon në vitin 2026 dhe nuk ka takime të planifikuara.
E njëjta situatë kontraktuale si Teo Hernandez, ndër emrat e mëdhenj ai që ka më shumë gjasa të largohet. Ekipet e mëdha në Europë po e ndjekin dhe Bajerni tashmë ka lënë gjurmë, interesi dihet dhe nuk mohohet asnjëherë. Për asnjërin nga të dy, Hernandez dhe Menja, “Djalli” nuk pranon të bëjë ulje në çmimi, por performanca e sezonit të kaluar gjithashtu ndikon në llogaritje: kuota e shitjeve e treguar në 100 milionë sot ka rënë në mënyrë të pashmangshme (ndërsa kërkesat e Majk për pagën e re mbeten të larta) . Një nga të dy mund të jetë Tonali i verës së kaluar: një lojtar i shitur për shumë të konsiderueshme, e cila u investua menjëherë.
REPARTET E TJERA – E sigurt në këtë moment është që Milani ka nevojë për shpenzime. Nëse Teo largohet, do të duhet të zëvendësohet, por merkato tregon gjithashtu interesin e kuqezinjve për Emerson Rojal, një mbrojtës i djathtë që do të konkurrojë me kapitenin Kalabria. Restaurimi është i pashmangshëm në qendër: muri mbrojtës ka rënë shumë herë gjatë sezonit. Kjaer do të thotë lamtumirë, Çau dhe Tomori, titullarët e fundit, performuan nën pritshmëri. Deri në atë pikë sa i huazuari Gabia u kthye e për fat bëri pjesën e tij. Sezoni i Kalulusë u komprometua nga lëndimet. Do të vijë një qendërmbrojtës me cilësi të lartë, por kush do të jetë përkrah tij? Në mesfushë të njëjtat dyshime: kush do të luajë përkrah kujt?
Loftus promovohet nga mesfushor në fantazist), loja e Benaserit është bërë më e vështirë, Reijnders dhe Musah sigurisht meritojnë një shans të dytë (sezoni i parë në Serie A është i vështirë për këdo që vjen nga jashtë, i dyti mund të jetë ai i shpërthimit) : Por a mund të konsiderohen garanci për Milanin e ri? Për Adli përgjigja është më shumë jo sesa po.
Sulmi ka dy siguri të tjera: Leao do të jetë aty, Zhiru jo. Okafor ishte një shënues i mirë rezervë, por do të duhet të fitojë vendin e tij në vijën e parë. Çukvueze, i pakapshëm në sezonet spanjolle, vrapoi me dy shpejtësi në Milano: i ngadalshëm në fillim, ai përshpejtoi vetëm drejt fundit. Së fundi Joviçi, të cilit i skadon kontrata, por me opsionin e ushtruar nga klubi për një zgjatje vjetore: një çështjet tjetër ende duket pa përgjigje.
