Falë barazimit 1-1 ndaj Moldavisë, Shqipëria siguroi për herë të dytë në historinë e saj pjesëmarrjen në finalet e një evropiani.
Kuqezinjtë zhvilluan një fushatë kualifikuese fantastike dhe të hënën ndaj Ishujve Faroe në Air Albania kanë shansin e madh që të fitojnë Grupin E.
Festa e të gjithë shqiptarëve ishte e madhe teksa lojtarët dhe trajneri Sylvinho rishkruan historinë.
Një nga lojtarët më të dalluar për kuqezinjtë në këtë rrugëtim është Ylber Ramadani.
Në intervistën pas ndeshjes për SuperSport, mesfushori u shfaq i veshur me një bluzë në të cilën ishte stampuar portreti i heroit legjendar, Adem Jashari.
Kaq mjaftoi që në mediat serbe të nisë histerizmi i zakonshëm për figurën e Adem Jasharit, ndërsa festën e Ramadanit e cilësuan si skandaloze. /Supersport
