Me të paktën 80 milionë euro buxhet, Milani ka tre emra për të shqyrtuar. Openda, Morata, Taremi përbëjnë objektiva të ndryshme dhe të studiuara nga Furlani dhe Monkada për sulmin e sezonit të ri. Situata të ndryshme për sa i përket moshës, kostos, karakteristikave teknike dhe performancës.
FAKTORI “MORATA” — Pika e parë ka lidhje me Alvaro Moratën. Me Zhirunë, ai do të plotësonte departamentin e avancuar, duke i ofruar Piolit disa ide të tjera.
Morata, i mirë në ajër, sulmon, mbi të gjitha, thellësinë, ndërkohë që Zhiru është më i përshtatshëm për t’u bashkuar me manovrën, shpesh duke luajtur si spondë dhe me shpinë nga porta. Spanjolli është i lidhur me Atletikon e Madridit me kontratë deri në vitin 2024, megjithatë “Los Colchoneros” nuk do ta lëshonin pa një garanci blerjeje.
KUJDES NGA OPENDA — Lois Openda gëzon vlerësim nga drejtuesit kuqezi dhe pa dyshim është një nga emrat, ku po përqendrohet vëmendja e klubit. Për Milanin, ai do të përfaqësonte lojtarin klasik të projektit: i lindur në vitin 2000, ritëm i lartë, i shpejtë dhe intensitet.
Performanca e tij e mahnitshme falë 19 golave në 36 ndeshje me Lensin bënë që skuadra të jetë e dyta në renditje dhe me epërsi prej 5 pikësh ndaj Marsejës. Krahasuar me Moratën, belgu nuk e njeh futbollin italian dhe do të ishte një “pykë” atipike për nga karakteristikat fizike (është 1.77 i gjatë dhe 70 kg), por dallon në teknikë. Për ta marrë në Serinë A, nevojiten të paktën 25 milionë.
TAREMI – Sipas “Record”, Milani do të ishte përpjekur ta blinte Mehdi Taremin që vitin e kaluar, por në një vit distancë interesi nuk ka rënë.
Përkundrazi, gazeta portugeze e sipërpërmendur njofton se kuqezinjtë ishin gati të ofronin 10 milionë euro për lojtarin e lindur në vitin 1992.
PANORAMASPORT.AL
