Roma dhe ish- kapiteni i Juventusit dhe Italisë, Leonardo Bonucci, janë në kontakt të vazhdueshëm për një lëvizje të mundshme në “Stadio Olimpico” në janar.
Jose Mourinho dhe ekipi i tij kanë nevojë për përforcime mbrojtëse, me Chris Smalling jashtë për një kohë të pacaktuar dhe Evan Ndicka që do të largohet për të luajtur në Kupën e Kombeve të Afrikës në mes të janarit, shkruan lajmi.net.
Bonucci, tani 36 vjeç, i ka kaluar gjashtë muajt e fundit në Gjermani me Union Berlin, megjithëse ish-qendërmbrojtësi legjendar i “Bianconerëve” është paraqitur për vetëm shtatë nga 16 ndeshjet e Bundesligës deri më tani në sezonin 2023-24.
Raportet nga media të shumta sugjerojnë se Bonucci dhe Union mund të ndahen në janar.
Corriere dello Sport raporton se drejtori sportiv i Giallorossi, Tiago Pinto ka qenë në kontakt me përfaqësuesit e Bonucci për më shumë se një javë dhe se klubi po punon shumë për ta sjellë atë në Romë në vitin e ri. /Lajmi.net/
