Leonardo Bonuçi dhe Juventusi duket se do ta çojnë deri në fund luftën e nisur mes tyre. Deklaratat e Alegrit, ku trajneri shprehet se lojtari e ka marrë vesh vendimin e klubit, ka irrituar më shumë lojtarin.
Si duket, ish-kapiteni nuk ka në plan të bëjë asnjë hap pas dhe do të ndërmarrë një tjetër vendim. Mediat italiane raportojnë se Bonuçi është lidhur me një tjetër jurist dhe në rrugë zyrtare, ka depozituar në klub një tjetër kërkesë që të rikthehet me skuadrën e parë, por klubi e ka refuzuar dhe ka lënë në fuqi vendimin që të stërvitet individualisht.
Ndërkohë, juristët po bëjnë gati një padi kundër klubit të Juventusit dhe përveç faktit se Juventusi nuk po respekton kontratën, synohet edhe një dëmshpërblim për sa i përket prishjes së imazhit.
PANORAMASPORT.AL
