Shorti i fazës në grupe i Botërorit 2026 do të mbahet në fillim të muajit dhjetor, por renditja e FIFA-s e bërë publike sot ka e ka “ndikuar” shumë.
Siç dihet 9 vendet e para do të konsiderohen si koka grupi së bashku me tri vendet organizatore. Deri më tani 9 vendet e para janë Argjentina, Spanja, Franca, Anglia, Brazili, Portigalia, Holanda, Belgjika dhe Gjermania. Ndërsa tri vendet organizatore janë Kanadaja, SHBA dhe Meksika.
Gjermania ka mundur që të futet mes nëntë më të mirave në renditjen e muajit korrik duke kaluar Kroacinë dhe Italinë. Deri në nëntor kjo renditje pritet që mos ndryshojë pasi Gjermania do të ndeshet me rivale si Sllovakia, Irlanda e Veriut dhe Luksenburgu ndërsa Italia do të ketë një rrugë më të vështirë pasi do të ndeshet me Norvegjinë, Izraelin, Estoninë dhe Moldovinë. Për këtë motiv mendohet se Botërori 2026 do të ketë grupe të hekurta pasi si Kroacia dhe Italia nuk do të jenë koka grupi.
