FIFA ka zbuluar trofeun zyrtar të Kupës së Botës për Klube 2025. I krijuar në bashkëpunim me markën botërore të bizhuterive luksoze Tiffany & Co, ai do t’u jepet për herë të parë fituesve të turneut, i cili do të zhvillohet në Shtetet e Bashkuara nga e diela, 15 qershor deri të dielën, 13 korrik 2025, pas finales në stadiumin MetLife në Nju Jork, Nju Xhersi.
“Inovative, gjithëpërfshirëse, revolucionare dhe vërtet globale, Kupa e re e Botës për Klube FIFA me 32 ekipe meriton një trofe që përfaqëson të gjitha këto – tha presidenti i FIFA-s, Gianni Infantino – Është sa prestigjioz dhe i përjetshëm: një trofe i artë që është simbol i së ardhmes dhe i frymëzuar nga e kaluara”.
“Skuadra që ngre këtë trofe do të ketë në dorë botën e futbollit të klubeve. Lojtarëve që e fitojnë atë, historia ju përket juve! Le ta sjellim atë në botë dhe ta nderojmë ndërsa presim me padurim fillimin e një epoke të re për futbollin”.
