Brazili rrezikon të dënohet pas një kaosi në ndeshjen me Argjentinën.
“Selecao” u përball me Argjentinën në Rio de Janeiro të martën, shkruan lajmi.net.
Ata u mposhtën 1-0, në një lojë që ishin ngjarjet në tribunë ato që dominuan titujt pas ndeshjes.
Një përleshje masive shpërtheu në tribuna ndërmjet tifozëve, me forcat e policisë lokale që iu desh të ndërhynin.
Sipas Globo, Brazili tani mund të përballet me dënimin.
Neni 17 i kodit disiplinor të FIFA-s thotë se “klubet dhe shoqatat pritëse janë përgjegjëse për rendin dhe sigurinë para, gjatë dhe pas ndeshjeve”, ndërsa shton se nikoqirët janë “përgjegjës për incidente të çdo lloji”.
Nuk ka një procedurë të caktuar për sa i përket sanksioneve, por një hetim është duke u zhvilluar.
Është e mundur që mund të jepen gjoba, mund të urdhërohet që ndeshjet të luhen me dyer të mbyllura ose, në fund të fundit, mund të vendoset një dënim me pikë. /Lajmi.net/
