Skuadra nga Premier League, Brighton bëhet e fundit që futet në garë për shërbimet e mesfushorit Brajan Gruda, raportojnë mediumet gjermane të martën.
Gruda pritet të largohet këtë verë nga Mainzi, ekip që kartonin e tij po e vlerëson 50 milionë euro.
ADVERTISEMENT
Ai te Brightoni po shihet si përforcim i duhur për mesfushës pas paraqitjeve të mira që i pati sezonin e shkuar në kampionatin e Gjermanisë.
20-vjeçari ka kontratë me Mainzin deri në vitin 2027, ndërsa në Bundesligë ka regjistruar 30 paraqitje ku ka realizuar 4 gola dhe ka bërë 3 asistime.
Gruda ka luajtur për të gjitha gjeneratat e reja të Gjermanisë, ndërsa para “Euro 2024” ishte përfshirë në listën preliminare të trajnerit Julian Nagelsmann por u largua nga kampi stërvitor për shkak të lëndimit.
Krahas Brightonit, situatën e Grudës po e monitorojnë edhe Bayern Muncheni, Bayer Leverkuseni, Borussia Dortmundi, Leipzigu, Aston Villa e Liverpooli.