Armando Broja mund të rikthehet të jetë titullar në sfidën e Çelsit në transfertë me Mançester Junajtid ditën e sotme.
Arsyeja është një vendim i Mauricio Pochetinno, i cili ka detyruar skuadrën e tij të shohë të gjithë kartonët e marrë gjatë këtij sezoni.
Ditën e djeshme në konferencë, tekniku argjentinas tha: “Sot ne po flisnim në takim dhe tregua, klipet e kartonëve të verdhë. Janë kaq shumë pasi këtë vit u ndryshuan rregullat.
Nëse mërzit një lojtar ndëshkohesh me karton të verdhë dhe më vonë mund të marrësh të dytin. Kemi marrë shumë në këtë mënyrë.
Ne po flisnim për kartonët e Nikolas Xheksonit, i cili ka marrë shumë për protesta ndaj arbitrave. Duhet të përmirësohemi në këtë pjesë dhe të mos bëjmë më gabime të tilla”, u shpreh Pochettino..
Mediat angleze kanë raportuar se argjentinasi mund ta dënojë sulmuesin duke e lënë në stol në sfidën e radhës dhe mund t’i japë një shans Brojës.
