Pas raportimeve se Armando Broja e ka mbyllur sezonin para kohe për shkak të lëndimit, duket se sulmuesi shqiptar ka marrë lajme të mira dhe së shpejti mund të rikthehet në fushë.
Analizat e fundit mjekësore kanë konstatuar se sulmuesi i Evertonit do të jetë i gatshëm pas gjashtë javësh dhe në mesin e muajit të ardhshëm do të mund të luaj.
Ky lajm, padyshim se është i mirë si për Evertonin ashtu edhe Kombëtaren e Shqipërisë, e cila muajin tjetër do ta nis ciklin e kualifikimeve për Botërorin 2026.
Shqipëria më 21 mars do të përballet në udhëtim me Anglinë, ndërsa tri ditë më vonë luan kundër Andorrës në Tiranë, ndeshje këto për të cilat Broja pritet të jetë i ftuar nga selektori Sylvinho.
23-vjeçari në fillim të këtij sezoni u huazua nga Chelsea tek Evertoni, ekip për të cilin ka regjistruar vetëm 5 paraqitje deri më tani.
I rikthyer nga lëndimi në fillim të muajit dhjetor të vitit të shkuar, Broja u lëndua në fillim të janarit dhe i ka munguar Evertonit në katër ndeshjet e fundit në Premier League.
