Interi dhe Al Nasr kanë arritur marrëveshje për transferimin e Brozoviç në kampionatin arab. Klubi ku aktivizohet Ronaldo, i ofroi Interit shumën e 23 milionë eurove duke rënë dakord për transferimin por vetë mesfushori kroat ka bllokuar gjithçka.
Në drejtim të tij, Al Nasr ka ofruar 20 milionë euro në sezon por kërkesa e kroatit është 30 milionë euro. Kjo kërkesë e Brozoviç, në fakt shihet si një strategji nga ana e tij për të mbetur në Europë, duke qenë se dëshira primare është që të largohet në drejtim të Barcelonës.
Palët kanë pasur kontakte por ka munguar një ofertë konkrete ndërkohë që me bllokimin e tratativave me Arabinë Saudite, lihet e hapur mundësia për në Europë pasi Barcelona do të ketë kohë të mjaftueshme për të bërë ofertën. Nëse Al Nasr e plotëson dëshirën e lojtarit për 30 milionë euro, atëherë nuk do të ketë më pritje.
PANORAMASPORT.AL
