Mbrojtësi Bujar Pllana pritet ta vazhdojë karrierën e tij në kampionatin kroat te Slaven Belupo.
Pllana të hënën ka ndarë rrugët me FC Prishtinën me lajmin që u zyrtarizua edhe nga klubi kryeqytetas.
Siç raporton mediumi kroat “podravski.hr”, Pllana do t’i bashkohet së shpejti Slaven Belupos, transmeton lajmi.net.
Se 21-vjeçari do ta vazhdojë karrierën jashtë Kosovës e konfirmoi edhe Prishtinën në njoftimin e lëshuar.
“Ai largohet nga kryeqyteti për ta vazhduar karrierën jashtë Kosovës pasi e fitoi trofeun e Kupës së Kosovës me ekipin tonë”.
Pllana iu bashkua klubit më të trofeshëm të futbollit kosovar në janar të vitit 2022.
21-vjeçari në edicionin e fundit i realizoi pesë gola në fanellën “bardhekaltër”, katër në kampionat dhe një në Kupën e Kosovës./Lajmi.net/
