Java e pesët e Bundesliga ’25-’26 nis me takimin Bayern-Werder, ndeshje kjo që do të thotë shumë për nostalgjikët e kampionatit gjerman pasi dy klubet kanë qenë rivale të forta në fushë.
Në vigjilje të këtij dueli trajneri i formacionit bavarez doli përpara gazetarëve për të komentuar atë çfarë pritet nesër nga skuadra e tij, por shumë shpejt e gjithë konferenca u fokua tek e ardhmja e Harry Kane.
“Harry është një lojtar i veçantë. Ai kërkon të fitojë trofe dhe në Mynih i ka të gjitha mundësitë që të bëjë diçka të tillë”, tha Kompany, i cili u dha përgjigje zërave që flasin për një largim të sulmuesit anglez në verën e 2026-ës.
Kane është lojtari i momentit në Mynih pasi po ndihmon ekipin jo vetëm duke shënuar gola, por edhe duke përgatitur ato pasi shpesh herë në fushë nuk shkel vetëm në zonat e sulmuesve. “Kane ka menduar se duke zbritur deri në mesfushë apo edhe në hyrje të zonës tonë na jep një dorë me ndërtimin e lojës. Shokët e tij të skuadrës i ndihmon shumë duke zbritur shumë në thelllësi. Kjo e ka ndihmuar edhe atë në detyrën kryesore që ka pasi kështu u shmanget edhe mbrojtjes së fortë të rivalëve, të cilët nëse duan ta kenë nën kontroll duhet që të largohen shumë prej zonës së tyre”, komentoi trajneri belg i Bayern-it.
