Bajer Leverkusen ka mbyllur edicionin historik në Bundesligë pa regjistruar asnjë humbje në 34 javët e kampionatit. Suksesi i sotëm 2-1 ndaj Augsburgut në javën e fundit, dekretoi këtë ecuri unike të skuadrës së Çabi Alonsos, e cila vulosi vendin e parë në klasifikim me 90 pikë.
Kështu, Leverkusen mori me meritë të plotë nofkën “Neverlusen”, pasi u bë ekipi i parë në historinë e Bundesligës që e mbyll kampionatin pa pësuar asnjë humbje, pasi ka regjistruar 28 fitore dhe 6 barazime.
BAYER 04 NEVERLUSEN. #B04FCA | #DeutscherMeisterSVB #Winnerkusen
— Bayer 04 Leverkusen (@bayer04_en) May 18, 2024
Në vend të dytë t u rendit Shtutgarti që mundi 4-0 Borusia Mynshengladbah. Ndërsa Bajern Mynih u desh të ngushëllohej me vendin e tretë në renditje, pas humbjes 4-2 përballë Hofenhajm në transfertë.
Sa i përket fundit të renditjes, bie në sy suksesi i Mainc me shifrat 3-1 në transfertë ndaj Volfsburgut, ku Brajan Gruda shënoi gol dhe dha asist, duke ndihmuar ekipin e tij që të merrte pikët që i duheshin për mbijetesën.
REZULTATET
JAVA 24
Bajer Leverkusen-Augsburg 2-1
Borusia Dortmund-Darmshtad 4-0
Eintraht Frankfurt-Lajpcig 2-2
Haidenhajm-Këln 4-1
Hofenhajm-Bajern Mynih 4-2
Shtutgart-Borusia Mynshengladbah 4-0
Union Berlin-Frajburg 2-1
Verder Bremen – Bohum 4-1
Volfsburg – Mainc 1-3
PANORAMASPORT.AL
