Bajer Leverkusen është ndalur përsëri dhe këtë radhë duket se ka humbur përfundimisht shpresat për të luftuar për titullin kampion me Bajern Mynihun, i cili do të jetë kundërshtari i radhës.
Bavarezët fituan të premten në darkë ndeshjen e tyre ndaj Verder Bremenit, ndërsa kampionët në fuqi nuk ia dolën të bënin të njëjtën gjë ndaj Volfsburgut sot, të ndalur në një barazim pa gola. Kësisoj, diferenca mes dy skuadrave shkon në 8 pikë, me Bajernin që ka krijuar një distancë të rehatshme sigurie sido që të përfundojë ndeshja e javës së ardhshme.
Ndërkaq, bie në sy disfata e radhës e Borusia Dortmund që u mposht 2-1 në shtëpi nga Shtutgarti dhe sheh objektivin e kualifikimit për në Ligën e Kampioneve të sezonit të ardhshëm të largohet gjithnjë e më shumë.
REZULTATET
Borusia Dortmund-Shtutgart 1-2
81’ Brandt / 50’ (ag) Anton, 62’ Shabo
Frajburg-Hajdenhajm 1-0
30’ Grifo
Hofenhajm-Union Berlin 0-4
24’, 87’ Holerbah, 61’ Ljubiçiç, 73’ Iliç
Mainc-Augsburg 0-0
Volfsburg-Bajer Leverkusen 0-0
PANORAMASPORT.AL
