Basketbollisti i Bashkimit, Valon Bunjaku e ka fituar epitetin e lojtarit më të mirë për xhiron e 17-të në Superligë.
Federata e Basketbollit të Kosovës (FBK), të hënën ka njoftuar se Bunjaku është shpallur “MVP i Javës” pas paraqitjes fantastike që e pati në ndeshjen e fundit.
Ai udhëhoqi Bashkimin në fitoren ndaj Proton Cable Prizrenit, duke e mbyllur ndeshjen me 27 pikë, 1 kërcim dhe 4 asistime.
Bunjaku është përfshirë edhe në pesëshen më të mirë të xhiros, pjesë e së cilës është edhe bashkëlojtari i tij, Jayveous McKinnis që pati 7 pikë, 18 kërcime e 3 asistime.
Vend në ekipin më të mirë të xhiros, kanë zënë edhe Tristan Ikpe i Pejës që ishte më efikasi në fitoren ndaj Borës, pastaj Jericole Hellems që udhëhoqi Vëllaznimit në triumfin ndaj Trepçës, si dhe Daniel Lekndreaj që ndihmoi Sigal Prishtinën ta mposht Golden Eagle Yllin.
Ikpe regjistroi 22 pikë, 13 kërcime e 2 asistime, Hellems pati 23 pikë, 9 kërcime, 3 asistime, ndërsa Lekndreaj regjistroi 8 pikë, 12 kërcime e 2 asistime.
