Interi ka vazhduar përgatitjet për derbin, edhe pse stërvitjet po kryhen me grupin e reduktuar duke pasur parasysh numrin e madh të lojtarëve të thirrur me kombëtaret përkatëse.
Simone Inzagi ka marrë lajme të mira nga të angazhuarit e tij nëpër botë, që kanë qenë në formën optimale mes golave (Turam), asisteve (Dumfris) dhe paraqitjeve të mira (Lautaro).
Përveç tyre, trajneri ama ka marrë lajme të mira edhe nga Apiano Xhentile, aty ku ekipit të përbërë nga Karlos Augusto, Mikhitarian, Audero, Bisek, Klassen i janë shtuar edhe Açerbi dhe Sensi.
Dyshja është rikuperuar plotësisht nga dëmtimet dhe janë vendosur nën urdhrat e 47- vjeçarit duke kryer të plotë seancën stërvitore. Italianët priten të jenë gati për të shtunën e 16 shtatorit ndaj Milanit.
PANORAMASPORT.AL