Gëzohen te Roma, Dybala dhe Pellegrini do të jenë gati për Interin.
Roma ka rikthyer formën e mirë dhe rezultatet pozitive, ku në tre ndeshjet e fundit ka marrë tre fitore, dy nëkampioat dhe një në Ligën e Evropës.
Megjithatë problemi kryesor për Giallorosët mbeten lëndimet e futbollistëve kryesorë.
Aktualisht jashtë shkaku i lëndimeve janë Renato Sanches, Diego Llorente, Tammy Abraham, Chris Smalling, Paulo Dybala dhe Lorenzo Pellegrini.
Abraham nuk do të rikthehet deri në janar, derisa Llorente, Smalling do të jenë të gatshëm për sfidën ndaj Monzës qëdo të zhvillohet pas ndeshjeve të kombëtareve.
Megjithatë një lajm i mirë ka ardhur për tifozët e Romës sa i përket dy yjeve të mëdha, Paulo Dybala dhe Lorenzo Pellegrini.
Dyshja janë të lënduar dhe rikthimi i tyre pritet të bëhet në ndeshjen ndaj Interit e cila zhvillohet më 29 tetor.
Kësisoj kapiteni dhe sulmuesi argjentinas do të humbasin sfidat ndaj Monzës në kampionat dhe ndaj Slavia Pragës në Ligën e Evropës.
