Cafu mendon se Daniele De Rossi mund të bëhet Sir Alex Ferguson i Romës, por këmbëngul se largimi i Milanit nga Europa League nuk do të ishte një dështim.
Legjenda braziliane foli një intervistë me La Gazzetta dello Sport përpara përballjes sonte në Europa League mes ish-klubeve të tij Milan dhe Roma. Giallorossi siguruan një fitore 1-0 në San Siro javën e kaluar.
“Show në Olimpico është gjithmonë i garantuar; është një stadium unik. Pyesni çdo lojtar që ka luajtur ndonjëherë atje për ndjenjat e tyre kur luhet himni i Romës. Do të jetë një lojë shumë e bukur”, tha Cafu.
“Nuk duhet të jetë befasuese duke pasur parasysh historinë e De Rossit si futbollist dhe atë që ai po bën si trajner. E mbaj mend mirë si fëmijë. Ai nuk fliste shumë, por dëgjonte shumë”, vazhdoi braziliani.
“Me siguri, ai ka pasur një familje të shkëlqyer që i ka dhënë ekuilibër. Mendoj se ai i ka të gjitha cilësitë për të luajtur një rol edhe më të rëndësishëm, duke u bërë për Romën ashtu siç ishte Sir Alex Ferguson për Manchester United”.
/GazetaBlic Sport/
